Республикалық студенттер форумы

Қазақстан Республикасы Ғылым және жоғары білім министрлігінің қолдауымен Шерхан Мұртаза атындағы Халықаралық тараз инновациялық институты «БІЛІМ. ҒЫЛЫМ. ЖЕТІСТІК» тақырыбында республикалық студенттер форумын өткізді.
Форумға еліміздің жоғары оқу орындарының жастар ісі жөніндегі комитет төрағалары, студенттік өзін-өзі басқару ұйымдарының жетекшілері мен республикалық жастар ұйымдарының басшылары қатысты.
Форум аясында «Студенттік өзін-өзі басқару жүйесін және жастар ұйымдарының жұмысын дамыту жолдары» тақырыбында студенттік конференция, «Ахмет Байтұрсынұлы: Ұлт ұстазының жолымен» тақырыбында «ITII CUP - IV» үшін студенттер арасында республикалық пікірсайыс турнирі, «Әділетті Қазақстан – Әділетті қоғам» тақырыбында «ХТИИ ректор кубогы» үшін облыстық Жайдарман ойыны және семинарлар, теренингтер мен түрлі нетворкинг шаралар өткізілді.