2020-2021 оқу жылының 23 сәуірінде «Экономика және бизнес» факультетінің күндізгі бөлім 1 курс Қар-20-1, ЕА-20-1 топтарында оқитын білімгерлер арасында «Статистика» пәнінен олимпиада ұйымдастырылды. Олимпиада барысында студенттер статистика жайлы түрлі мәлімет, статистиканың қолдану аясы, заңдары жайлы білімдерін көрсетіп, есеп беру үлгілерінің мәліметтері негізінде есеп-санақ жасады.

Статистика көптеген жағдайда белгілі бір қоғамдық құбылыстың сандық жағын білдіретін таным ретінде қолданылады. Ал экономист мамандығының болашақ иелері бір статистика сандарының арасында тұрған жағдайды бағалай алуы тиіс.

Аталған пән бойынша білімгерлерге факультет ардагері, экономика ғылымдарының кандидаты, доцент Үрістембекова Б.Ү. көптеген жылдар бойы жоғары деңгейде дәріс беріп келеді. 

«Талапкер-2021» кәсіби бағдар жұмыстары аясында «Экономика және бизнес» факультетінің «Қаржы және есеп», «Экономика және басқару» кафедрасының оқытушылары Т. Рысқұлов, Жуалы аудандарының және қала колледж, мектептерінде болып қайтты. Колледж бітірушілер, 11 сынып оқушыларымен кездесу барысында ЖОО жаңа оқуға түсу ережелері, құжаттарды өткізу тәртібі, институт мамандықтары жайлы ақпарат жеткізілді. 

Халықаралық Тараз инновациялық институты мектеп оқушыларына болашақ мамандық таңдауда кәсіби бағыт-бағдар беру мақсатында көптеген атаулы іс-шаралар атқарып келеді. Сондай игі дәстүрдің жалғасы ретінде өткен аптада институымызда №30 орта мектеп-гимназиясының жоғары сынып оқушылары қонақта болды. Осы мектептің 2012 жылғы үздік түлегі, ХТИИ «Филология» кафедрасының оқытушысы Саржаев Олжас Тілебалдыұлы мектеп оқушыларына институт ғимараттарын аралатып саяхат сабағын өткізді. Институтымыздың заманауи жабдықталған кітапханасындағы сирек кездесетін кітаптар мен электрондық ресурстарды, қолөнер шеберханасындағы ою-өрнек әзірлейтін жоғары технологиялы құрылғыларды, «Билология» зертханасындағы таңғажайып экспонаттарды оқушылар назарына ұсынып, қызықты деректер арқылы таныстырып өтті.

Сабақ барысында мектеп оқушылары институтымыздың ерекше ғылыми орталықтарының бірі - «Шерхантану ғылыми зерттеу орталығына» қонаққа келді. Орталық директоры Кембаева Айнұр Тұрарқызы атақты жазушы Ш.Мұртаза жайлы естеліктермен бөлісе отырып жазушының фотоальбомымен, қолжазбаларымен және орталыққа Ш.Мұртазаның өзі табыстаған жеке заттарымен таныстырып өтті. Айнұр Тұрарқызы ҒЗО тарихымен, атқарылған маңызды іс-шараларды атап өтіп, аса қызығушылық танытқан оқушыларды әр жыл сайын орталық тарапынан ұйымдастырылатын Шерхан оқуларына қатысуға шақырды.

Кәсіби бағыт-бағдар беруге негізделген саяхат сабағының соңында №30 мектеп-гимназиясының оқушылары аға буын мектеп түлегі О.Т.Саржаевтан мамандық жайлы, институт жайлы, мектеп кезіндегі қызықты сәттері жайлы сұрақтар қойып, естелік суретке түсіп, жақсы көңіл-күймен тарқасты.

24.04.2021 күні Тараз қаласында қала әкімі Ерлан Жұматұлы Жылқыбаевтың қатысуымен «Жомарт түлек - Тараз» атты түлектер кездесуі өтті. Кездесу мақсаты – әр түрлі салада қызмет етіп, Тараздың дамуына үлес қосып жүрген түлектердің өмір жолын жастарға насихаттау. Кездесу барысында қаланы көркейтуге негізделген тың идеялар мен игі бастамалар аталып өтті.

Республиканың әр аймағында еңбек етіп жүрген Тараздан шыққан атақты түлектерден бастап, жеке кәсіпкерлер мен білім саласында жүрген ұстаздарға дейін қатысқан түлектер кездесуіне №30 мектеп-гимназиясының түлегі, Халықаралық Тараз инновациялық институтының «Филология» кафедрасының оқытушысы Саржаев Олжас Тілебалдыұлы да шақырылып, қала әкімі Е.Жұматұлының қолынан Алғыс хат алды. Бұл да қала басшылығы тарапынан танымал әнші, блогер түлектермен қатар, ұстаздық жолды жастарға насихаттау үшін, ұстаздық еңбекті бағалау жолында жасалған игі қадам деп білеміз.

Институымыздың білгір маманы О.Т.Саржаевты құттықтай отырып, мұндай елеулі марапаттар белсенділігін арттыра түсіп, ары қарай Тараздың дамуына елеулі қызмет етуіне мотивация болады деген сенімдеміз.

«Филология» кафедрасының профессор-оқытушылары 16.04-22.04.2021 жыл аралығында бекітілген мектептер мен Жамбыл облысына қарасты аудандарға кәсіби бағдар жұмыстарын жүргізіп қайтты.

«Филология» кафедрасының оқытушысы Саржаев Олжас Тілебалдыұлы Тараз қаласындағы №30 мектеп-гимназиясына барып, талапкерлермен сұхбаттасу жұмыстарын жүргізді. Мектеп-гимназиясында өткізілген «Түлектер жолы» жобасына қатысып, Халықаралық Тараз инновациялық институты жайында бітіруші түлектерге жан-жақты толыққанды мағлұматтар берді. Мектеп директоры Есеева Рахия Райқұлқызы және бітіруші түлектер тарапынан сұрақтар қойылып, көңілге қонымды жауаптар алынды.

Кафедра меңгерушісі Р.Беркенова және доцент М.Әбілов Жамбыл ауданы, «Бірлесу-Еңбек» орта мектебінде кәсіби бағдар жұмыстарын жүргізіп қайтты. «Бірлесу-Еңбек» орта мектебінің директордың оқу-ісі жөніндегі орынбасары К.Исмайылова бітіруші түлектермен таныстырды. Оқушылардың қай мамандықтарды таңдағаны туралы тереңірек мағлұматтар берді.

Кафедра меңгерушісі Беркенова Рабиға Ағабекқызы Халықаралық Тараз инновациялық институтының алға қойған мақсат-міндеттерімен, «Қазақ тіл мен әдебиеті» мамандығының білім беру бағдарламасымен таныстырып өтті. «Филология» кафедрасының жеткен жетістіктері мен мамандықтың барысы туралы сөз қозғады. Оқушылар тарапынан неше түрлі сұрақтар қойылып, нәтижелі жауаптар берілді.

Филология кафедрасының профессор-оқытушылары Мерке ауданындағы №1, №5, №7, №18, №20, №22, №39, №48 мектептерде және №9-кәсіби колледжінде кездесулер өткізіп, Ы.Алтынсариннің 180 жылдық меретойына орай ғылыми-әдістемелік семинар өткізіп қайтты. Семинарға мектеп мұғалімдері, бітіруші түлектер қатысты. Оқушылар Ыбырай өлеңдерінен жатқа оқып, шағын көлемді әңгімелеріне талдау жасады. Ақын шығармашылығы жайында сұрақтар қойылып, семинар қызу талқыға түсті.

Бітіруші түлектер тарапынан оқушылар институттағы «Ж.Баласағұн» атындағы әдеби бірлестікке мүше болуға құлшыныс танытты.

Кафедра доценті, ф.ғ.к. М.Әбілұлы В.Савва атындағы орта мектепте «Рухани жаңғыру және қазақ балалар әдебиеті тарихының кезеңдері» атты тақырыпта ғылыми баяндама жасады. Қазақ әдебиетінің дәуірлеу кезеңдеріне тоқталып, балалар әдебиеті жайлы сыр шерітті. Бұл семинарды «Қазақ тілі мен әдебиеті» пәнінің мұғалімдері ұйымдастырған болатын-ды.

Кафедра профессор-оқытушылары мектеп оқушыларына институтымыздың тарихынан сыр шертетін «Жастар айдыны» газеті мен мамандықтар жайында жазылған буклеттерді таратты.