Халықаралық Тараз инновациялық институтында «Тәуелсіздік толғауы – жастардың жарқын қолдауы!» aтты оқушылар мен студенттер арасында республикалық Jambyl CUP I пікірсайыс турнирі өтіп жатқанын хабарлаған болатынбыз.

Республиканың барлық өңірінен 82 команда қатысқан бұл додада әлемдік және еліміздегі болып жатқан жағдайлар барысы бойынша көзделген мәселелер қаралды: аз қамтылған отбасы мүшелерін жұмысқа алу, қашықтықтан жұмыс істеу мүмкіндігі жайлы, адамдар арасындағы ауыр қылмыс жасау, таяу шығыстағы мемлекеттердің тұрмыс тіршілігі жайлы, адамзаттың этикалық көзқарастары. Одан бөлек, жастардың бойында коммуникативтілікті арттыру, командада жұмыс істей білу сынды қасиеттерді қалыптастыру көзделді.

Аталған мәселелер бойынша қатысушылардың көзқарасы бойынша жастар тарапынан мәселенің шешу механизмі мен тың идеялар ұсынылды. Турнир жеңімпаздарына жүлде қоры 600 000 теңге болатын ақшалай сыйақы берілді.

Ойын қорытындысы бойынша 1-орын Алматы және Нұр-Сұлтан қаласынан келген “ЦугЦванг” фракциясы (Жапар Әли, Уалиев Даулет), жүлде қоры 300.000 теңге, 2-орын Алматы қаласының командасы “Жұмабек Ташенов” (Сарсенбаев Архат, Нурсултан Нурсипат) жүлде қоры 200.000 теңге, 3-орын “Өзге елде сұлтан болғанша, өз еліңде ұлтан бол” алматылық команда (Тастанбеков Данияр, Мырзатай Жансерік) жүлде қоры 100.000 теңгемен марапатталды. Турнирдің ең Үздік спикері алматылық Жандос Әмре. Ең Үздік төреші номинациясын тараздық Саурамбаев Бектас жеңіп алды.

Пікірсайыстың негізгі мақсаты – жастардың ұйымдастырушылық және критикалық ойлауын дамыта отырып, еліне елеулі қызмет ететін болашақ көшбасшыларды дайындау. Пікірсайысшыларға дебат технологиясы бойынша тәжірибе алмасу алаңын ұйымдастыру. Сонымен қатар, Қазақстандық қоғамдағы және әлемдік қауымдастықтағы көкейтесті мәселелерді көпшілік алдында талқылау мен сараптау жолдары арқылы, жастардың әлеуметтік және шығармашылық белсенділіктерін арттыру.

«Имидждік жұмыстар және қоғаммен байланыс» секторы  

Бүгін  Халықаралық Тараз инновациялық институтында ҚР Тәуелсіздігінің 30 жылдығына орай «Тәуелсіздік толғауы – жастардың жарқын қолдауы» атты республикалық пікірсайыс турнирі басталды. Турнирдің мақсаты – оқушылар мен студенттер арасында білімді, білікті, тапқыр, ұшқыр ойлы, өз ойын жақсы дәлелдей алатын азаматтар даярлау, Отансүйгіштікке, ұлтжандылыққа тәрбиелеуге ықпал ету, пікірсайысшылардың өзара тәжірибе алмасуына, жаңа ұсыныстар мен идеялар қалыптастыруға баулу.
Пікірсайысқа студенттер арасынан 60 топ, оқушылар арасынан 20 топ қатысуда.
Пікірсайыс турнирі 2 негізгі ойын форматы арқылы өткізіледі: 1) Американдық парламенттік формат (АПФ); 2) Линкольн-Дуглас форматы (ЛД).
Барлық пікірсайысшыларға сәттілік тілейміз!

"Имидждік жұмыстар және қоғаммен байланыс секторы"

2021 жылдың 14-16 мамыр күндері Халықаралық Тараз инновациялық институтында ҚР Тәуелсіздігінің 30 жылдығына орай «Тәуелсіздік толғауы – жастардың жарқын қолдауы» атты республикалық пікірсайыс турнирі өтеді. Турнирдің мақсаты – оқушылар мен студенттер арасында білімді, білікті, тапқыр, ұшқыр ойлы, өз ойын жақсы дәлелдей алатын азаматтар даярлау, Отансүйгіштікке, ұлтжандылыққа тәрбиелеуге ықпал ету, пікірсайысшылардың өзара тәжірибе алмасуына, жаңа ұсыныстар мен идеялар қалыптастыруға баулу.

Пікірсайысқа студенттер арасынан 60 топ, оқушылар арасынан 20 топ қатысады.

Пікірсайыс турнирі 2 негізгі ойын форматы арқылы өткізіледі: 1) Американдық парламенттік формат (АПФ); 2) Линкольн-Дуглас форматы (ЛД)

Студенттер турнирінің жеңімпаздарына 1 орын – 300 000 теңге, 2 орын – 200 000 теңге, 3 орын - 100 000 теңге, «Үздік спикер» номинациясына – теледидар, «Үздік төреші» номинациясына – микротолқынды пеш беріледі.

Оқушылар турнирінің жеңімпаздарына 1 орын – 2 дана ноутбук, 2 орын – 2 дана теледидар, 3 орын – 2 дана смартфон, «Үздік спикер» номинациясына – теледидар, «Үздік төреші» номинациясына – микротолқынды пеш беріледі.

2021 жылдың 13 мамыр күні Халықаралық Тараз инновациялық институтында «Филология» кафедрасының ұйымдастыруымен Туркология саласының білікті маманы, ҚР Білім және ғылым министрлігі ЖОО-ның «Үздік оқытушысы» грантының иегері, Аймақтық Менеджмент академиясының профессоры, филология ғылымдарының кандидаты, доцент Кәрібаева Азиза Өтегенқызының «ЛИНГВИСТИКАНЫҢ ӨЗЕКТІ МӘСЕЛЕЛЕРІ» атты тақырыптағы ғылыми-әдістемелік семинары өткізілді.

Ғылыми-әдістемелік семинарды «Филология» кафедрасының доценті, ф.ғ.к. Пертаева Эльмира Құлибайқызы жүргізді.

Ғылыми-әдістемелік семинарға Халықаралық Тараз инновациялық институтының «Ғылым, инновация және халықаралық байланыстар» жөніндегі проректоры, э.ғ.д., профессор Тәжібаев Серік Дүйсенәліұлы, №38 орта мектебінің мұғалімдері Андакулова Динара, Бисенғалиева Мадина, №21 орта мектебінің мұғалімі Шаханов Қайрат, «Филология» кафедрасының профессор-оқытушылары мен студенттері қатысты.

Ғылыми әдістемелік семинарда сыртқы лингвистика, ішкі лингвистика, сөйлеу лингвистикасы жайындағы зерттеулер мен терминдер мәселесі жан-жақты қарастырылды. Әсіресе, Кәрібаева Азиза Өтегенқызы когнитивті лингвистика – тіл білімінің жаңа бағыттарының бірі антропоцентристік парадигмаға тоқталды. Когнитивтік лингвистика тілдің танымдық табиғи болмысын зерттейтін ғылым. Қазіргі тіл ғылымында когнитивті лингвистика қатты дамып, оның салалары категориялау теориясы, тілдік тұлға, концептуалды метафора, когнитивті–дискурсивті теория, когнитивті семантика, тағы басқалары сараланып кетеді. Когнитивтік лингвистика сияқты психолингвистика, этнолингвистика, соцлингвистика ғылымдарының пайда болуы тіл білімінде үлкен өзгеріс тудыратыны жайлы қамтып өтті.

Студенттер тарапынан сұрақтар қойылып, тың жауаптар алынды.

2021 жылы мамыр айының 19-26 күндер аралығында Алматы қаласында Қазақстан Республикасының жағажай волейболынан IX жазғы Универсияда ойындары өтеді. Аталған іс-шараға Халықаралық Тараз инновациялық институтының спортшы студенттері қатысады. Оның ішінде :

Запар Арайлым Дш 18-1

Қалмахамбет Ақбота Шт-20-1

Мейрамбек Нұрдаулет БӘД 17-1

Әсілхан Мәди Дш 17-3

Сметов Бағлан Дш 17-3

Топар Нұрперзент Дш 18-1 тобының білімгерлері. 

Спортшыларымызға сәттілік тілейміз! Жеңісті күндер көп болсын! 

Имидждік жұмыстар және қоғаммен байланыс секторы