Дүлдүлдер додасы VII

30 сәуір күні Халықаралық Тараз инновациялық институты мен Тараз қалалық жастар ресурстық орталығы бірлесе отырып "Дүлдүлдер додасы VII" атты ашық аймақтық пікірсайыс турнирін ұйымдастырды. Турнирге Нұр-Сұлтан, Алматы сынды Республикалық маңызы бар қалалардан және облыс аумағындағы аудандардан 16 топ қатысты. Пікірсайыс турнирі Американдық-Парламенттік формат және Линкольн-Дуглас форматтарында өткізілді.
Турнир шымылдығын ХТИИ проректоры Құлабекова Гүлшат Қамбарбекқызы және Тараз қаласы әкімінің орынбасары Сариев Бақдәулет Жолдасұлы ашып, қатысушыларға сәттілік тіледі. Пікірсайыс турнирінде жүзден жүйрік болып Американдық-Парламенттік формат бойынша 16 топтың ішінен 1 орын “А.Байтұрсынов” тобына бұйырды. Екінші орынды "Тараз наш" тобы иеленсе, үшінші орынды “10-шы планета” тобы иеленді. Линкольн-Дуглас форматы бойынша “Үздік спикер” номинациясын Алматы қаласынан келген Әміре Жандос қанжығасына байлады.
Турнир нәтижесі бойынша 1 орындар-100 000, 2 орындар-50 000, 3 орындар-30 000 теңгелік, “Үздік спикер” номинациясы-20 000, “Үздік төреші” номинациясы бойынша 3 үздік төреші-50 000 теңгелік қаржылай сертификаттармен марапатталды. Сонымен қатар турнир барысында “Үздік жұптар”, “Дүлдүлдер жұлдызы”, “Пунктуалды пікірсайысшы” сынды қосымша байқаулар ұйымдастырылып, номинация иегерлері бағалы сыйлықтармен марапатталды.