"Көңілді тапқырлар алаңы" финал

Жамбыл облысы, Шу ауданы әкімдігінің ішкі саясат бөлімі «Жастар ресурстық орталығы» КММ-нің ұйымдастыруымен аймақтық «Көңілді тапқырлар алаңы» финалдық ойынында ХТИИ Халықаралық Тараз инновациялық институты намысын «Бабл Гам» командасы қорғады.

Финалдық ойын 3 сайыстан тұрды. Сәлемдесу, 5 әзіл және үй тапсырмасы. Үй тапсырмасының ерекшелігі командамен жұлдызды адамдар ойнауы шарт болды. «Бабл Гам» командасы өздеріне қонаққа Қуандық Сағыныш атты танымал блогерды шақырып, бірге ойын көрсетті.

Өте жоғары деңгейде өткен финалда барлық команда бір-бірінен басып озған тұстары көп болды. Ойын қортындысы бойынша «Бабл Гам» командасының капитаны Адамбаева Айназ «Ең үздік ойыншы» атанып аудан әкімі С.Арубаевтың марапаты, диплом және арнайы сыйлықпен марапатталды.