ХТИИ - на ҚР президенті Қ.Тоқаевтың кеңесшісі Малік Отарбаев қонаққа келді

Бүгін Ш.Мұртаза атындағы Халықаралық Тараз Инновациялық Институтына Қазақстан Республикасының президенті Қ.Тоқаевтың кеңесшісі Малік Отарбаев қонаққа келді.

М.Отарбаев және ХТИИ ректоры Марат Баяндин Ш.Мұртаза ескерткішіне гүл шоқтарын қойып, тағзым етті.

Әрмен қарай институт қонағын ХТИИ проректоры Гульшат Камбарбековна студенттер үйімен, заманауи үлгіде жасақталған кино зал, электрондық кітапхана, адалдық дүкені, Студенттердің шығармашылық орталығымен, ұлт аспаптар оркестрі , «Талант» студенттік театры, «Open space» форматында жасақталған кітапхана базасымен таныстырды. Малік Отарбаев жастарға осындай мол мүмкіндіктер жасаған институт президенті Ерболат Саурыков қа зор алғысын білдірді.

Сонымен қатар жаңа ғимаратқа көшкен "Шерхантану" ғылыми-зерттеу орталығының атқарып жатқан жұмыстарымен, алдағы жоспарларымен танысқан президент кеңесшісіне Ш.Мұртазаның 90 жылдық мерейтойына орай шығарылған 5 томдық шығармалар жинағы мен институт баспасынан шыққан Ш.Мұртазаның «Бір кем дүние» шығармасы табыс етілді.