Ұрпақтар сабақтастығы
14 Дек 2022
886
2022 жылдың 14 желтоқсан күні ҚР Тәуелсіздік күніне орай және «Ұрпақтар сабақтастығы» жобасы аясында Облыстық ардагерлер кеңесі мен Халықаралық Тараз Инновациялық Институты «Экономика және басқару» кафедрасының бірлесе ұйымдастыруымен облыстың экономика және басқару салаларында қызмет атқарған ардагерлерінің «Экономика», «Мемлекеттік және жергілікті басқару», «Менеджмент» білім беру бағдарламаларының студенттерімен еркін форматтағы кездесу өтті.
Сөзді облыстық ардагерлер кеңесі жанынан құрылған облыстық билер кеңесінің төрағасы О.Есіркепов мерекеге байланысты құттықтау сөзімен бастап, жастарға ақыл-кеңестерін берді. Сонымен қатар, бірқатар ардагерлер өздерінің қызмет жолындағы болған қызықты оқиғаларымен бөлісті.
МЖБ-20-1 топ студенті Е.Берді институт атынан ардагерлерді келе жатқан мерекемен құттықтап, институтта жастармен атқарылып жатқан жұмыстарымен хабардар етті. ҚР Тәуелсіздігі күніне орай 1 курс студенттері Қанзақ А., Оңлабай М. өлең шумақтарын оқыды. Студенттер тарапынан қойылған сұрақтарына ардагерлерден тұщымды жауаптарын алды. Кездесу соңында ардагерлер студенттерге баталарын берді.
