«Елің барда таусылмайды ән-жырың» Жыр-элегия кеші ақпараты

Ақпараттық-кітапханалық орталықтың ұйымдастыруымен Жамбыл облыстық Ш. Уәлиханов атындағы әмбебап ғылыми кітапханасымен бірлесе отырып, қазақ поэзиясының падишасы, Қазақстанның халық жазушысы, Мемлекеттік сыйлықтың иегері, ақын, қайраткер Ф.Оңғарсынованың туғанына 85 жыл толуына орай «Елің барда таусылмайды ән-жырың» тақырыбнда жыр-элегия кеші өтті.

Іс-шара кеш қонақтары мен институт білімгерлеріне ақынның өмірі мен шығармаларына арналған «Ақиық ақын - Фариза» бейнефильмін таныстырудан бастау алып, ақынның оқырман жүрегінен орын алған «Жұрт мені қатал дейді», «Сүйген сұлу», «Өзім туралы», «Ана», «Мәңгілікпен сырласу» және т.б өлеңдерін оқып жалғасын тапты. Кеш барысында Мұрат Бекасыл ақиық ақын Мұқағалидың «Фаризажан» арнауын оқыса, Жамбыл облыстық Ш. Уәлиханов атындағы әмбебап ғылыми кітапхана қызметкері Шакенова Анел Фариза Оңғарсынованың сөзіне жазылған «Айша бибі» әнін орындап кеш конақтарын тәнті етті.

Кеш соңында поэзия сүйер оқырман қауымға ақынның кітаптарына шолу жасалып, таныстырылды.