"Жұлдызы нұрлы суреткер" атты әдеби кеш өтті

Ш.Мұртаза атындағы Халықаралық Тараз инновациялық институтында Педагогика факультетінің ұйымдастыруымен Шерхан апталығының аясында “Жұлдызы нұрлы суреткер” атты әдеби кеш өтті.

Әдеби кештің шымылдығы А.Тоқпанов атындағы Жамбыл облыстық қазақ драма театрының қоюшы режиссеры Қуандық Қасымов, актер Жүніс Әлімбековтың бастауымен “Шерхан драма элегиясы” қойылымымен ашылды.

“Шетел тілдері” кафедрасының меңгерушісі Рысалдиев Жақсылық Маратұлы “Шерхан Мұртазаның аудармашылық жолына” арналған баяндамасын оқыды. Кеште студенттер қаламгердің “Бір кем дүние” шығармасынан үзінділер, немерелеріне жазған хаттары мен өз шығармашылықтарынан арнаулар оқыды. Кеш қонақтарына Шер аға жайында сұрақтар қойылып, сыйлықтар табысталды. Бұралған бишілер би билеп, күміс көмей әншілер әндерін шырқады. Апталықты Педагогика факультетінің деканы Нұрбеков Талғат Балтабайұлы қорытындылады.