Айша бибі мен Қарахан махаббаты сахна төрінде

Шерхан Мұртаза атындағы Халықаралық Тараз инновациялық институтында 13 қараша күні ерекше тарихи драма — Б. Әбілдаұлының «Айша бибі» қойылымы сахналанды. Бұл қойылым институтта өтіп жатқан “Sherkhan Student’s Week” апталығы аясында ұйымдастырылды. Көрермен назарына ұсынылған қойылымды «Талант» студенттік театры дайындады. Театр ұжымы, сахна саңлағы Майра Әлімбетованың жетекшілігімен, Айша бибі мен Қараханның махаббат хикаясын әсерлі түрде сахналап, көрермендерге терең рухани әсер сыйлады.

Қойылым барысында көрермендер қазақ тарихының жарқын кезеңіне сапар шегіп, Айша бибі мен Қарахан арасындағы адал махаббатты тамашалады. Әсіресе, махаббат пен сенімге толы сахналар көрермендерді толқытты. Студенттер өз рөлдерін шынайы әрі әсерлі ойнап, көрерменге кейіпкерлер сезімдерін тереңінен жеткізе алды.

Кеш соңында көрермендер театр ұжымына ұзақ қол соғып, актерлер мен театр жетекшісі Майра Әлімбетоваға ерекше қошемет көрсетті. Осындай әсерлі кешке қатысқан барша қауым рухани байып, тарихи құндылықтарымыздың маңызын тереңірек ұғынды.

«Айша бибі» қойылымы – тек махаббат туралы ғана емес, тарихымыздың тереңінен сыр шертетін құнды туынды ретінде көрермен жүрегінен орын алды. Қойылымды дайындаған “Талант” студенттік театрының ұжымына алғыс білдіреміз.