Өрт қауіпсіздігі бойынша оқу-жаттығу шарасы өтті

Шерхан Мұртаза атындағы Халықаралық Тараз университетінің жатақханасында өрт қауіпсіздігі бойынша оқу-жаттығу шарасы өтті. Іс-шараның басты мақсаты – төтенше жағдай кезінде студенттер мен қызметкерлердің дұрыс әрекет етуін үйрету және өрт қауіпсіздігі ережелерін меңгерту болды.

Жаттығудың негізгі кезеңдері:

-Жатақхана тұрғындарын шұғыл эвакуациялау тәртібі көрсетілді.

-Қауіпсіздік ережелерін тәжірибелік түрде түсіндіру жүзеге асырылды.

-Төтенше жағдай орын алған кездегі қажетті құрал-жабдықтарды пайдалану тәсілдері үйретілді.

Іс-шараұйымдастырушылары университет әкімшілігімен бірге төтенше жағдайлар қызметінің мамандары болды. Олар оқу-жаттығу кезінде студенттер мен қызметкерлерге өрт қауіпсіздігі туралы маңызды ақпарат беріп, эвакуация барысында жіберілетін негізгі қателіктерді талқылады.

Студенттер мен қызметкерлер бұл оқу-жаттығудың пайдалы болғанын атап өтті. Қатысушылардың айтуынша, мұндай шаралар қауіпті жағдайларда дұрыс әрекет етуді үйренуге және өздерін қауіпсіз сезінуге мүмкіндік береді.