Таразда ҰОС 80 жылдығы мен Әлия Молдағұлованың 100 жылдығына арналған волейболдан турнир өтті

Шерхан Мұртаза университетінде Ұлы Отан соғысының 80 жылдығы және Кеңес Одағының Батыры Әлия Молдағұлованың 100 жылдығына арналған волейболдан  облыстық турнир өтті. "Спорттық-бұқаралық жұмыстар" орталығы мен "Дене шынықтыру және спорт" кафедрасының ұйымдастыруымен өткен бұл жарыстың  мақсаты –бұқаралық спортты дамыту, жастар арасында волейбол спортын кеңінен насихаттау және салауатты өмір салтын дәріптеу. Сондай-ақ, спортшылардың шеберлігін арттырып, командалық рухты нығайтуға мүмкіндік беру.

Турнирге қала мен аудан мектептерінің оқушыларынан құралған 12 команда қатысты. Жас спортшылар алаңда өз шеберліктерін көрсетіп, жеңіс жолында барын салды.

Тартысты өткен жарыс нәтижесінде үздік командалар анықталды:
 1 орын – «Тараз» командасы
 2 орын – 24 Балалар-жасөспірімдер спорт мектебі (Луговой)
 3 орын – IQ мектебі

Жеңімпаз командалар І, ІІ, ІІІ дәрежелі дипломдармен марапатталып, үздік ойыншыларға ақшалай сыйлықтар табысталды.

Бұл турнир спорт арқылы патриоттық тәрбиені насихаттап, жас спортшылардың шеберлігін арттыруға мүмкіндік берді.