«Алдараспан» әзіл-сықақ театры қонаққа келді.

Халықаралық Тараз инновациялық институтына «Алдараспан» әзіл-сықақ театры қонаққа келді. Өнер саңлақтары, танымал әзілкештер студенттермен кездесіп, шеберлік сабағын өткізіп, қойылған сұрақтарға жауап берді.
Кездесуді ХТИИ-дың «Тәрбие және әлеуметтік жұмыстар» жөніндегі проректоры Құлабекова Гүлшат Қамбарбекқызы жүргізіп отырды. Институт жанынан құрылған «Талант» студентер театрының актерлары, белсенді студенттер мен оқытушылар үшін бұл кездесу қызықты өтті. Өз кезегінде Алдараспандық өнерпаздар сахна төріне шығып, ән де айтты. Болашақ жұлдыздарға сахна әлеміндегі қызықты сәттерімен бөлісіп, өнер саласындағы жауапкершілікті түсіндіріп, әртіс болудағы ерекше құпияларды айтты. «Алдараспан» театрының негізін қалаушы, әрі директоры Нұржан Төлендиев: «Әртіс адамға бірінші еңбек керек. Бастысы ұжымдағы татулықты сақтау маңызды екенін айтып, өнер жолындағы ізбасарларына сәттілік тіледі.