Желтоқсан құрбандарының өмірін, ерлігін, насихаттау
16 Дек 2021
4097
2021 жылдың 13 желтоқсан күні Халықаралық Тараз инновациялық институтының “Жаратылыстану” факультетінің Гео 18-1 тобының кураторы Айтекова Куралай Ускенбаевна мен Био 18-1 тобының кураторы Жаңатілеу Бауыржан Бақытұлының ұйымдастыруымен,
Ел егемендігінің 30 жылдығына және желтоқсан көтерілісінің 35 жыл толуына орай, желтоқсан оқиғасының мән мағынасын, тәуелсіздік үшін күрескен желтоқсан құрбандарының өмірін, ерлігін, насихаттау. Желтоқсан көтерілісінде ел қамын жеген ерлерді үлгі тұту, тану мақсатында бітіруші топ студенттерін Желтоқсан 86 музейімен таныстырып, желтоқсан оқиғасына қатысушылар Жамбыл облысы Желтоқсан-86 қоғамдық бірлестігінің төрағасы М. Бердалиев, орынбасары И. Хаджимұратов, ұйымдастыру бөлімінің басшысы Т. Абжалиевпен кездесу өткізді. Кездесу барысында Тәуелсіздіктің бастауына айналған оқиғаның маңызы турасында кеңінен тарихи және тәрбиелік мәні зор деректер айтылды. Жастарға өз тағдырларына өздері иелік ететін азаматтар болуы үшін білімді болуларына тілек білдірді.
