2021 жылы 30 сәуір күні «Шетел тілдері» кафедрасының ұйымдастыруымен «Қазақстан – достық мекені» атты достық фестивалі өтті. Фестиваль мақсаты: 1 – мамыр Қазақстан халықтар бірлігі күні мерекесі екенін жеткізу. Студенттерді ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға атсалысатын азаматы болуға тәрбиелеу. Фестиваль барысында қазақ, орыс, кәріс, түрік, қытай ұлттарының ән мәдениеті мен би мәдениетін таныстырып өтті. Көркем сөз шебері Молдан Ислам өз шығармашылығынан достық тақырыбына арнау оқыды. Фестиваль соңында студенттер әр ұлттың киімін киіп, әр ұлттың тілдерінде Абай, Ыбырай, Жамбыл аталарымыздың дана, нақыл сөздерін айтып тәмамдады. 

«Педагогика» факультеті деканының

тәрбие ісі жөніндегі орынбасары

Жанысбек Айдана Жанысбекқызы

26 сәуір күні «Педагогика» факультетінің ұйымдастыруымен студент жастарға «Kúlimde» атты концерті өткізілді. Мақсаты: студенттерге  достық туралы әңгімелей отырып, олардың достық қарым-қатынасын нығайту. Адалдыққа, шыншылдыққа тәрбиелеу, өзімшілдіктен, менмендіктен тағы басқа жаман әдеттерден аулақ жүруге үйрету. Адамгершілік қасиетін, бір-біріне деген достық сезімдерін нығайту болатын. Концерт барысында Тайкеева Дана және Орынбасар Ақмарал «Әсем ән» әнін орындады. Ал «Сүйемін сені» әнін Құдайберген Еркенұр және Бірлікбаева Талшынның орындаса, Құдайберген Аганас гитарамен сүйемелдеп отырды. Артынша көркем сөз шеберлері Молдан Ислам, Құдайберген Еркенұр және Әбдірей Мұстафа өз шығармашылықтарынан өлең оқыды. Факультетіміздің мың бұралған биші қызы Абдильда Анель және белсенді жастарымыздан құралған флешмоб көрермендерге заманауи би түрлерін паш етті. Концерт соңы ойындармен аяқталды. Ойын жеңімпаздарына түрлі қойың дәптерлері берілді. Студент жастарға жақсы көңіл күй сыйлап, бірге көңілді уақыт өткізілді. 

«Педагогика» факультеті деканының

тәрбие ісі жөніндегі орынбасары

Жанысбек Айдана Жанысбекқызы

Халықаралық Тараз инновациялық институтының ғылым, инновация және халықаралық байланыстар проректоры, профессор, экономика ғылымдарының докторы ТӘЖІБАЕВ СЕРІК ДҮЙСЕНАЛЫҰЛЫ 70 жасқа толып отыр.

Тәжібаев Серік Дүйсеналыұлы 1951 жылы 1 мамырда Жамбыл облысы Луговой ауылында дүниеге келген. 1974 жылы Алматы Халық шаруашылығы институтын бітірді.

Банк, білім және ғылым саласында көптеген жылдар бойын ерен еңбек етуде. Атап айтсақ, Жамбыл облысы Мемлекеттік банкінің Бас бухгалтериясында механизация есебін жүргізу бойынша аға инженер, Мемлекеттік банктің Қазақ республикалық кеңсесінде Өндірістік бюро басшысының орынбасары, Оңтүстік өңірінің ЖОО декан, проректор қызметтерін атқарды. 2019 жылдың қыркүйек айынан бастап Тараз инновациалы-гуманитарлы университеті ғылым, инновация және халықаралық байланыстар проректоры қызметін атқаруда.

2004 жылы АҚШ-тың Индиана университетінде оқу және ғылымы тағлымдамасын өтті (ақпан-маусым).

2007 жыл мен 2010 жыл аралығында Тәжібаев С.Д. А.Яссауи атындағы ХҚТУ-дегі Д 14.61.15 диссертациялық кеңесінің төрағасы болып табылды.

«Ғылымның өсуіне атсалысқаны үшін» (2003ж.), «ҚР білім беру ісінің құрметті қызметкері» (2008ж.), «Ы. Алтынсарин» (2018ж.) Қазақстан Республикасы БҒМ белгілер иегері. «2014 жылдың жоғары оқу орнының үздік оқытушысы» атағының иегері атанды.

Мерей той иесін құттықтай отырып, ұзақ ғұмыр, денсаулық, отбасында бақыт, білім және ғылым жолында шығармашылық табыстар тілейміз. 

ХТИИ ұжымы

Халықаралық Тараз инновациялық институтында "Жарқын болашақ" жобасы аясында,⠀ "Өркен-ниет" қоғамдық қорының ұйымдастыруымен кәсіптік бағдар беру және жоғарғы оқу орындарымен таныстыру мақсатында, аудан және қала мектептерінің 11 сынып оқушыларымен кездесу ұйымдастырылды.

Іс-шара барысында оқушылар институттың әр ғимаратымен, факультетімен, ПОҚ мүшелерімен, студенттер үйімен және білім беру процесімен толық танысып, өз сұрақтарын қойып, жауаптарын алды. Халықаралық Тараз инновациялық институтының Тәрбие және әлеуметтік жұмыстар жөніндегі проректор Г.Қ.Құлабекова оқушылармен еркін форматта сұхбаттасып, көшбасшылық қағидаттары турасында ой бөлісті. ⠀ "Өркен-ниет" қоғамдық қоры ХТИИ ұжымына және институт ректоры Ерболат Байұзақұлына осындай танымдық шараны ұйымдастырып, демеушілік жасағаны үшін үлкен алғысын жеткізді.