Сот жүйесі ғалымдарының ІІ Халықаралық форумы өтті
07 Nov 2022
824
2022 жылдың 28 қазанында Ш.Мұртаза атындағы Халықаралық Тараз инновациялық институтында сот жүйесі ғалымдарының ІІ Халықаралық форумы өтті.
Форумға онлайн форматта Қазақстан Республикасы Жоғарғы Сотының төрағасы Жақып Асанов пен Қырғыз Республикасы Жоғарғы Сотының төрағасы Замирбек Базарбеков, сондай-ақ Қазақстан Республикасы, Ресей Федерациясы, Беларусь, Өзбекстан және Қырғызстанның ғалым-судьялары қатысты.
Форумда әлемнің түрлі елдерінің сот жүйелерін дамытудың заманауи үрдістері, сот төрелігінің ағымдағы және болашақ аспектілері талқыланды.
Шерхан Мұртаза атындағы Халықаралық Тараз инновациялық институты Жамбыл облыстық сотымен әрдайым тығыз байланыста. Әріптестік байланыс ХТИИ "Заң" факультетінің болашақ заңгерлері үшін отандық және шетелдік білікті мамандармен байланыс жасауға, тәжірибе алмасуға, сот жүйесіндегі реформаларды білуге мүмкіндік береді.
