Ректор кубогының жеңімпаздары анықталды
31 May 2023
420
30 мамыр күні сағ. 17-00-де Ы.Дүкенұлы атындағы мәдениет үйінде жастардың сүйікті ойынына айналған JAIDARMANDA Ш.Мұртаза атындағы Халықаралық Тараз Инновациялық Институты ректорының кубогы үшін командалар бақ сынады.
Сайыста Жамбыл облысы мен Тараз қаласының мектеп және колледж білімгерлерінен құралған 10 команда өнер көрсетті.
Ойын қорытындысы бойынша:
орын және ректор кубогының иегерлері Қазақ-Түрік лицейінің "Сүлейменов 19" құрамасы;
орын және 50% жеңілдікті Меркі ауданынан келген "Меркістан" құрамасы;
орын және 25% жеңілдікті Байзақ ауданынан келген "Аказаки" құрамасы жеңіп алды.
Одан бөлек "Ең үздік ойыншы" номинациясын Жаңатас қаласынан келген "Жаңа Париж" командасының ойыншысы жеңіп алса, "Ең үздік әзіл" номинациясын 34 мектептен келген "Cotton Candy" құрамасы жеңіп алып, қаржылай марапатталды.
