Дәстүрлі ректор дәрісі тыңдалды

Ш.Мұртаза атындағы Халықаралық Тараз инновациялық институтының ректоры Махметғали Сарыбеков 1-курс студенттеріне «Шерхан Мұртаза: өмірі мен шығармашылығы» тақырыбында дәріс оқыды.

Дәріс кезінде институт ректоры білімгерлерді оқу ордасының тарихымен, жетістіктерімен таныстырды. Сондай-ақ, халық жазушысы Шерхан Мұртазаның өнегеге толы өмір жолы мен мұралары туралы да мол мағмұмат берілді.

Бұл дәріс студенттеріміз үшін азаматтық-отансүйгіштік тәрбиенің қайнар бұлағы, қазақ халқының тарихы мен салтын, тілін сүю және құрметтеуге, оның таңдаулы дәстүрлерін сақтауға және оны дамытуға, азаматтық ұстанымды және патриоттық сананы, қалыптасқан ұлттық өзіндік сананы, ұлт аралық мәдени қарым-қатынасты қалыптастырудың алғашқы, әрі негізгі баспалдағы болатындығы айқын.

Айта кетейік, дәстүрлі ректор дәрісі 3 күнге жалғасты.