Үкі Әжиевтің туғанына 100 жыл толуына орай мәдени іс-шара өтті

Бүгін Ақпараттық-кітапханалық орталығы №2 оқу залында белгілі қылқалам шебері Үкі Әжиевтің туғанына 100 жыл толуына орай «Тума талант мұрасы» атты іс-шара өтті.

Өнер иесінің қылқаламынан шыққан дүниелері ұлттық акварель мектебінің тұтас бір қалыптасу дәуірімен өркен жайған шағын бейнелейді. Тынымсыз шығармашылық иесі Қазақстандағы көркемдік процестің дамуында шоқтығы биік белеске айналды, ұлтына адал қызмет етті.

Іс-шара мақсаты- суретшінің кәсіби шеберлігін, еңбекқорлығы мен табандылық қасиеттерін шәкірт жүрегіне ұялату, табиғат пен бейнелеу өнерін қатар сүюге, оны бағалай білуге ұғындыру.

Суретшінің өмірі мен шығармашылығына байланысты қысқаша бейнетарих көрсетілді. 

Іс шараға «Шығармашылық мамандықтар» факультетінің «Бастапқы әскери дайындық және шығармашылық мамандықтар» кафедрасы 5ВО1405 -Көркем еңбек және сызу білім беру бағдарламасы бойынша КЕС 21-1 және 23-1 топтарының студенттері қатысты.

Суретші шығармашылығының басты ерекшелігі – тақырыптық еркіндік. Портрет пен пейзаждары суретшінің ойы мен эмоциясын дәл жеткізсе, түстер гаммасы бір-бірімен ғаламат сәйкестігін тапқан. Суретші туындылары әлемдік бейнелеу өнерінің ең үздік жинақтамаларында сақталынған.

Студенттердің шығармашылық қабілеттерін арттыру мақсатында сурет салу жарысы ұйымдастырылды. Белсенді қатысушыларға алғыс хаттар мен сыйлыққа кітап табысталды. 

Іс-шара барысында сөз алған Қазақстан суретшілер одағының мүшесі, педагогика ғылымдарының кандидаты - Айдархан Әшімханұлы Сихаев суретші шығармаларына тоқтала келіп, оның еңбектері қазақ бейнелеу өнерінде мәңгілік мәдениет ескеркіштері болып қала беретіні жайында атап өтті.