Мемлекет басшысының «Ана тілі» газетіне берген сұхбаты талқыланды

Шерхан Мұртаза атындағы Халықаралық Тараз университетінде Мемлекет басшысы Қасым-Жомарт Тоқаевтың «Ана тілі» газетіне берген сұхбатын талқылауға арналған жиын өтті. Іс-шараға университеттің басшылық құрамы, декандар, бөлім басшылары және профессор-оқытушылар құрамы қатысты.

Жиын барысында сұхбатта көтерілген маңызды мәселелер жан-жақты қарастырылды. Атап айтқанда, ұлттық құндылықтарды сақтау, білім беру саласын жетілдіру, жастар саясатын дамыту, экономикалық реформалар, ғылымның заманауи талаптарға бейімделуі және мемлекеттік тілдің қоғамдағы орны сияқты тақырыптар қозғалды.

Талқылау барысында қатысушылар Мемлекет басшысының көтерген идеяларының өзектілігі мен маңыздылығын атап өтіп, оларды университет қызметінде қолдану мүмкіндіктерін қарастырды. Бұл жиын университет ұжымына болашаққа нақты жоспарлар құрып, өз міндеттерін айқындауға мүмкіндік берді.

Мемлекет басшысының бұл сұхбаты университет ұжымы үшін жаңа бағыттарға бастама беріп, маңызды мәселелерді шешуде нақты қадамдар жасауға түрткі болды.