Сыңғырла соңғы қоңырау
26 May 2022
858
2022 жылдың 25-мамырында Халықаралық Тараз инновациялық институтының ұжымы Тараз қаласындағы Соқыр және нашар көретін балаларға арналған «Болашақ» мектеп-интернатының «Сыңғырла соңғы қоңырау» атты мерекелік кешіне қатысты.
Институт ректоры Ерболат Байұзақұлының жеке сыйлығын тапсырған «Тәрбие жұмыстары және Саналы ұрпақ» бөлімінің бастығы Нуркина Роза Назарқызы мен филология ғылымдарының кандидаты, доцент Каракоз Тамабаева Өмірзаққызы ұжымның жас ұрпақты оқыту мен тәрбиелеу жолындағы қызметіне жетістіктер тіледі. Өмірге құштар білім алушылардың шығармашылығын қанаттандыру жолында бірлесіп жасалып жатқан іс-шаралардың жалғаса беретінін атап айтты.
Бұдан кейін сөз алған «Болашақ» мектеп-интернатының директоры Тойшыманова Гулзира Джақсыбекқызы институт ректорына деген ұжымның жеке алғыс хатын табыстады. Өз сөзінде әріптестік байланыстарымыздың нығая беретінін жеткізді.
