Санкт-Петербург мемлекеттік экономикалық университеті

Халықаралық Тараз инновациялық институтының президенті Ерболат Саурықовтың Ресей Федерациясының Санкт-Петербург қаласындағы жұмыс сапары жалғасу үстінде. Бүгін ХТИИ президенті Е.Саурықов Санкт-Петербург қаласының "Санкт-Петербург мемлекеттік экономикалық университетімен" меморандумға қол қойды. "Санкт-Петербург мемлекеттік экономикалық университеті" – бұл елдің ең ірі экономикалық университеттерінің және Ресейдегі экономикалық білім беру көшбасшыларының бірі, оның соңғы тарихы қазіргі Ресейдің жоғары білім берудегі интеграциялық процестермен тығыз байланысты.
Университет 2012 жылдың 1 тамызында құрылды. Университет студенттерінің жалпы контингенті шамамен 13 мың адамды құрайды (оқытудың барлық нысандарында, филиалдарды қоса алғанда). Орта кәсіптік білімнің білім беру бағдарламалары бойынша 1062 адам оқиды. Оқу процесі мен ғылыми жұмысты бірегей кадрлық құрам қамтамасыз етеді. Университетте әр түрлі лауазымдарда 2331 адам жұмыс істейді, оның ішінде 1036 – профессор-оқытушылар құрамы.