ҚҰРМЕТТІ ӘРІПТЕСТЕР МЕН СТУДЕНТТЕР
07 Sep 2023
523
2022 жылдың 18-қазанынан бастап зау тұлға Шерхан Мұртаза есімін иеленген жоғары оқу орнындағы жаңа оқу жылының алғашқы аптасы Халық жазушының шығармашылық мұрасына арналды.
«Шерхан Мұртаза – тәуелсіз еліміздің көрнекті тұлғасы» атты апталық барысында бүгін, «Шығармашылық» факультетінің 1-курс студенттеріне «Рухани жаңғыру және Шерхантану» ғылыми-зерттеу орталығының қызметкерлері Тамабаева Қаракөз Өмірзаққызы мен Кембаева Айнұр Тұрарқызы дәріс оқыды.
Таңдауы Шерхан институтына түскен студенттерге кесек тұлға, кенен дарын шығармашылығы мен қайраткерлік тұлғасы, адамдық болмысы туралы жан-жақты баяндалды.
«Тәуелсіздік – тарихтан жеткен ұлы сый» деп туған халқы мен мемлекетінің жоғын жоқтап, ұлттық құндылықтарымыздың шын жанашыры болған Шерхан Мұртазадай ұлы тұлға шығармашылығын насихаттау, ғылыми-зерттеу жұмыстарына студенттерді тарту, білікті маман ретінде қалыптасуында тұлғатанудың мән-маңызын ұғындыру мақсатында ұйымдастырылған апталық барлық факультеттерде жалғасатын болады.
Болашақта ректор дәрістері оқытылып, жұлдызы нұрлы суреткер, дарынды драматург, ойшыл, қоғам қайраткері Шерхан Мұртаза шығармашылығы - әрбір адамның рухани мектебі, тәрбие арнасы екені даусыз.
