Конференция
10 Dec 2021
3897
Бүгін Қазақстан Республикасы Тәуелсіздігінің 30 жылдығына орай «Қазақстан республикасы мемлекеттік қызметшілерінің әдепті мінез-құлқын құқықтық реттеуді жетілдірудің теориялық және практикалық аспектілері» тақырыбында республикалық конференция өтті.
Конференцияда Халықаралық Тараз инновациялық институтының «Экономика және басқару» факультетінің деканы, мемлекеттік және жергілікті басқару бойынша PhD докторы Қуатбеков Жарас Алпысбайұлы «Болашақ мемлекеттік қызметшілердің әдепті мінез-құлқын қалыптастырудағы жоғарғы оқу орнының рөлі» тақырыбында баяндама оқыды.
Баяндама барысында ХТИИ тарапынан болашақ мемлекеттік қызметшілерге білім беріп қана қоймай, сонымен қатар тәрбие, әдеп нормаларын үйретуде, қазақ халқының салт-дәстүрлеріне құрметпен қарауға, адал, әділ, қарапайым болуға, жалпы қабылданған моральдық құндылықтарды сақтауға, азаматтармен қарым-қатынаста сыпайылық пен әдептілік танытуға үнемі шақыратынын ерекше атап өтті.
