Инклюзивті білім берудің ерекшеліктері
19 Feb 2022
7012
2022 жылдың 18 ақпанында «Инклюзивті білім беру және психологиялық қолдау көрсету» орталығы «Инклюзивті білім берудің ерекшеліктері. Ерекше білім беру қажеттіліктері бар білім алушылармен жұмысты ұйымдастыру" тақырыбында облыстық ғылыми-практикалық семинар өткізілді. Оған облыстық және қалалық психологиялық-медициналық-педагогикалық консультацияның мамандары, №25, 32, 35 орта мектептердің инклюзияны қолдау кабинеттерінің мамандары, Соқыр және нашар көретін балаларға арналған «Болашақ» мектеп-интернатының мамандары, сондай-ақ М.Х. Дулати атындағы Тараз өңірлік университетінің және Абай атындағы Жамбыл гуманитарлық жоғары колледжінің оқытушылары қатысты. Семинардың басында Халықаралық Тараз инновациялық институты жанындағы «Инклюзивті білім беру және психологиялық қолдау көрсету» орталығының жұмысы туралы ақпарат ұсынылды. Бұдан әрі инклюзивті білім берудің өзекті мәселелері, ерекше білім беру қажеттіліктері бар оқушылармен жұмыста қолданылатын технологиялар талқыланды. Семинар соңында қатысушыларға сертификаттар табысталды.
