Дін – тәрбиенің рухани тірегі

Жастар арасында радикалды діни ағымдарға қарсы иммунитет қалыптастыру және олардың діни сауаттылық деңгейін арттыру, дәстүрлі рухани-адамгершілік құндылықтарды насихаттау мақсатында Тараз қалалық ішкі саясат бөлімі, Жастар ресурстық орталығымен «Жаңа-Ру» жастар коалициясының ұйытқы болуымен «Дін – тәрбиенің рухани тірегі» тақырыбында студенттермен кездесу ұйымдастырылды.

Институт студенттері Республикалық ақпараттық түсіндіру тобының мүшесі, исламтанушы, белгілі теолог, танымал ұстаз Ризабек Батталұлымен ашық әңгіме құрды.

Көкейдегі сұрақтарын қойып, өздерінің ұсыныс-пікірлерін білдірді. Р.Батталұлы студенттерге нақты әрі тұщымды жауаптар берді.