Ерболат Саурыков ҚР Парламенті мәжілісінің депутаты болып сайланды

Күні кеше Парламент Мәжілісінің 8-і шақырылымы депутаттарына төсбелгі мен куәлік табысталды. Өздеріңізге белгілі Ш.Мұртаза атындағы Халықаралық Тараз Инновациялық Институты президенті Ерболат Саурыков ҚР Парламенті мәжілісінің депутаты болып сайланды.

Салтанатты шарада Ерболат Байұзақұлы депутат ретінде Республикалық 24 кz. арнасына алғашқы сұхбатын берді.

Ерболат Саурықов, ҚР Парламент Мәжілісі VIII сайланымының депутаты: - Әрине, елдің алдында үлкен-үлкен міндеттер тұр. Халық пен биліктің арасында алтын көпір бола отырып, алдағы уақытта біз осы көптеген көкейкесті мәселелерді осы депутаттық корпуста бірге шешеміз деп ойымыз бар. Сол үшін Парламент Мәжілісінің депутаттығына үміткер болдым. Бүгін міне сол депутаттардың қатарында болдым. Алдағы уақытта өскелең ұрпақтың, халқымыздың еліміздің жалпы тұтастығына, тәуелсіздігінің нығаюына атсалысамыз.