КӘСІБИ БАҒДАР 2024

Жамбыл облысы, Сарысу ауданының мектеп бітіруші түлектері мен оқушыларына кәсіби бағдар беру мақсатында ауданның Мәдениет үйінде кездесу өтті.

Шараға Сарысу ауданы мектеп бітіруші түлектер мен ұстаздар, және Сарысу ауданы әкімінің орынбасары, аудандық білім бөлімінің басшысы қатысты.

Шерхан Мұртаза атындағы Халықаралық Тараз Инновациялық Институты вице-президенті Махметғали Сарыбеков оқу орынымыз туралы толық ақпарат беріп материалдық техникалық базамен, профессор оқытушылар құрамымен білім беру бағдарламасы мен толық таныстырды.

Өз кезегінде "Шығармашылық мамандықтар" факультетінің декан орынбасары Мұсабеков Сауран Өміржанұлы және "Дене шынықтыру және спорт" кафедрасының меңгерушісі Танаев Конысжан Толебаевич мамандықтар туралы толық мәлімет берді және қойылған сұрақтарға жауап берді. Шара барысында институтымыздың өнерлі жастары концерттік бағдарламасын ұсынды.