Дөңгелек үстел: "Ұлттың ұлы ұстазы - Ахмет Байтұрсынұлы"

5 қыркүйек – қазақтың белгілі ғалымы мен ағартушысы Ахмет Байтұрсынұлының туған күні. Атаулы күнде Шерхан институтының студенттерімен “Ұлттың ұлы ұстазы - Ахмет Байтұрсынұлы” тақырыбында дөңгелек үстел өткізілді. Мақсаты - ұлт жанашыры өмірбаянын, еңбек жолын жастарға баяндап, өскелең ұрпақ арасындағы патриотизмді насихаттау. А.Байтұрсынұлына арналған дөңгелек үстелдің студентерге беретін танымдық, тағылымдық және тәрбиелік мәні зор болды. Ұлт көсемі А.Байтұрсынұлының қазақ халқының руханияты үшін жасаған орасан зор еңбегі студенттерге кеңінен баяндалып, арнайы фильм де көрсетілді.

Сондай-ақ, педагогика факультетінің “Қазақ тілі мен әдебиеті” кафедрасы да Қазақстан халқы тілдері күніне орай дөңгелек үстел өткізді. Дөңгелек үстелдің мақсаты қазақ тілін ұлттар арасында дамыту мен насихаттау, қазақ мәдениеті мен дәстүрін насихаттау, көпұлтты мемлекеттің тұтастығын, ынтымағын қалыптастыру, жас буынды өзге ұлттардың дәстүрімен мәдениетіне деген құрметін дамыту. Тіл-халықтың әл-ауқаты, ол ұлттардың бірлігімен тұтастығына зор ықпал етеді. Тіл-білім беру құралы және адамдардың қарым-қатынасын байланыстыратын тірек. Тілдер күні-Қазақстанның барлық азаматтарының достығының, туыстық пен бірліктің белгісі. Студенттер Тіл берекесіне арнайы дайындаған өлең-шумақтарын оқып, мақалаларын баяндады.