"Ахмет. Ұлт ұстазы" фильмінің шығармашылық тобымен кездесу

"Ахмет. Ұлт ұстазы" фильмінің шығармашылық тобы Шерхан институтының ұжымымен және студенттерімен кездесті. Кездесуге ҚР Еңбек сіңірген қайраткері, фильмде Ахмет Байтұрсынұлының рөлін сомдаған белгілі актер - Байғали Есенәлиев пен фильмнің режиссері Мұрат Есжан келді. Шарада Ш.Мұртаза атындағы Халықаралық Тараз инновациялық институтының ректоры Махметғали Сарыбеков модераторлық етті. Жиналған қауым спикерлерге сұрақ қойып, өзара пікір алмасу болды.

Іс-шара барысында Ұлы тұлғаның ұрпақ үшін жасаған ұлы ісі, мол мұрасы қазақтың жүрегінің түкпіріне мәңгілікке орнап қала береді. Ұлт ұстазының ақындығы, оқу – ағарту саласына қосқан ерен еңбегі, аудармашылығы, ғылыми- зерттеу еңбектері өз алдына теңдесі жоқ бір дүние, әлі күнге маңызы мен мәні жойылмаған мол қазына екендігі туралы кеңінен айтылды.