4 курс студенттерінің педагогикалық практикасы

Шерхан Мұртаза атындағы Халықаралық Тараз университетінің «Педагогика» факультеті, «Қазақ тілі мен әдебиеті» кафедрасы 2024-2025 оқу жылының оқу жоспары мен оқу үрдісінің кестесіне сәйкес, «6В01701 - Қазақ тілі мен әдебиеті» білім беру бағдарламасы бойынша күндізгі бөлімнің 4-курс студенттеріне арналған педагогикалық практикаға жіберу конференциясын ұйымдастырды.

Конференцияда студенттерге педагогикалық практика барысында:

• Сабақ жүргізу;

• Оқушылармен қарым-қатынас орнату;

• Әдістемелік тәсілдерді қолдану;

• Оқыту мен тәрбие жұмыстарын ұйымдастыру;

• Білім беру процесін басқару;

• Оқушылардың жеке ерекшеліктеріне қарай жұмыс жасау секілді маңызды дағдылар мен мәселелер түсіндірілді.

№150-с 19.12.2024 ж. бұйрық негізінде, күндізгі бөлімнің 4-курс Қт-21-1 тобының студенттері педагогикалық (өндірістік) практикасын өткізу үшін келесі мектептерге жіберілді:

• Тараз қаласы №25 орта мектебі;

• Д.Карбышев атындағы №16 орта мектебі;

• Жамбыл ауданы «Бірлесу-Еңбек» орта мектебі.

Практика барысында студенттер алғашқы аптада:

• Бөлінген сыныптарының оқу бағдарламалары, оқу жоспарлары (ҰМЖ, ОМЖ, ҚМЖ) және тәрбие жұмысының жоспарымен танысады;

• Жеке пәндер әдістемесіне арналған әдістемелік папкаларды зерттейді.

Екінші аптадан бастап студенттер мектептің оқу-тәрбие жұмысына толықтай араласып:

• Пәндер бойынша сабақ өткізеді;

• Сынып жетекшілігі міндеттерін орындайды.

Педагогикалық практика студенттердің кәсіби шеберлігін шыңдап, білім беру жүйесінде жоғары деңгейде қызмет етуге дайындайды.