«ҚАЗАҚ ТІЛІ МЕН ӘДЕБИЕТІ» КАФЕДРАСЫ

«6В01701–Қазақ тілі мен әдебиеті»  білім беру бағдарламалары бойынша бакалаврдайындаудың «Мемлекеттік жалпыға міндетті білім беру стандартына сәйкес» кәсіби маман дайындау ісін  жүзеге асырып келеді. «7М01701–Қазақ тілі мен әдебиеті»(2 жылдық), «7М01702–Қазақ тілі мен әдебиеті» (1жылдық) магистратура «Жоғары және жоғары оқу орнынан кейінгі білім стандартына сәйкес» магитстр дайындау ісі жүзеге асырылады.Білім беру бағдарламасы 2009-2010 оқу жылы құрылған «Қазақ тілі мен әдебиеті» кафедрасы даярлайды. 

«6В01701–Қазақ тілі мен әдебиеті»  бағытында дайындалатын студенттердің кәсіби қызметі мәдениет және басқарма, білім беру, тұлғааралық және мәдениетаралық, тілдік, гуманитарлық білім мен филология аясында іске асырылады.

Кафедра қызметі ғылыми-педагогикалық әлеуеттің тұрақты өсуімен, заманауи ғылыми-зерттеу орталықтарының болуымен сипатталады. Кафедрада және институттың ақпараттық-кітапханалық орталықта оқу және ғылыми-техникалық әдебиеттердің кең заманауи базасы бар. Білім беру бағдарламасын жүзеге асыруға бағытталған барлық қызмет ХТИИ-да жарияланған стратегияға, миссияға, көріністерге және құндылықтарға сәйкес жүзеге асырылады.

Профессор-оқытушылар құрамы ХТИИ кадр саясаты стратегиялық жоспардың құрамдас бөлігі болып табылады, кадр әлеуетін институттың миссиясы мен мақсаттарына сәйкес келтіруге ықпал етеді.

Бос жұмыс орындарына орналасуға арналған конкурс туралы ереженің талаптарына сәйкес кадрларды іріктеу конкурстық негізінде және ХТИИ Ғылыми кеңесінің отырысымен бекітілген ПОҚ және институттың ғылыми қызметкерлерінің лауазымдарына конкурстық орналасу ережесі талаптарына сәйкес жүргізіледі, Ғылыми кеңестің 22.04.2021 жылғы №9 хаттамасы. Мысалы, 2021-2022 оқу жылына №110/3970 «Литер» қоғамдық-саяси газетінде, 28.07.2021ж. және институт сайтында бос лауазымдарға орналасуға конкурсы жарияланды https://htii.edu.kz/ru/medya/khabarlandyru?start=9

  «Қазақ тілі мен әдебиеті» кафедрасында 15 профессор-оқытушы қызмет істейді. 1 ғылым докторы, 7 ғылым кандидаттары, 4 магистр, 2 аға оқытушы  және 2 оқытушы жұмыс атқарады. Профессор-оқытушыларға қойылатын  талаптарға сәйкес барлық оқытушылардың базалық білімі бар. Кафедраның ғылыми әлеуеті 78%. ПОҚ құрамы тұрақты.

Әр оқу жылында ПОҚ-ның қызмет сапасын бақылау мақсатында мониторинг жүргізіледі. Қызметкерлердің жұмысқа қанағаттанушылығы жөнінде сауалнама және «Оқытушы студент көзімен»  сауалнамасы  тұрақты алынады.

 ПОҚ біліктілігін көтеруге, материалдық және моральдық  ынталандыруға,  кадрлық әлеуетті жоғарылатуға толық мүмкіндік жасалған. ПОҚ-тың жарияланған ғылыми басылымдары (елде және шет елде), ПОҚ құзыреттілігіне жалпы баға беретін  құжаттар (ашық сабақ, өзара  сабаққа қатысу, студенттер сауалнамасы және т.б.)  кафедрада жинақталған. ПОҚ-тың ғылыми-зерттеу жұмысы қазақ тілі мен әдебиетінің теориялық негіздері мен оны оқыту үдерісінде қолданалатын жаңа әдіс-тәсілдерді, инновациялық технологияларды игертуге және интеллектуалдық әлеуеті жоғары тұлға қалыптастыруға бағытталған.

Халықаралық байланыстың жолға қойылғандығын құжаттармен танысу барысында кафедраның оқытушылық құрамының ғылыми әлеуеті мен кәсіби біліктілік деңгейі инновациялық білім беру саласының талаптарына сай келеді. «Қазақ тілі мен әдебиеті» кафедрасында екі ірі ғылыми-зерттеу жұмыстары жүргізілуде. «Ежелгі түркі дәуіріндегі балалар әдебиеті» (сала бойынша)». Жұмысты орындау мерзімі 04.09.2020-30.12.2023ж. Ғылыми жетекші: ф.ғ.к., доцент М.Ә. Әбілов  Зерттеу қызметін коммерциализациялау. Зерттеу тақырыбы: «Ахмет Байтұрсынұлы: «Әдебиет танытқыш» және қазіргі әдебиет теориясы». Келісім-шарт негізінде. Жауапты тұлғалар: ф.ғ.к. А.Т. Ойсылбай, ф.ғ.к. Р.А. Беркенова, ф.ғ.к. Э.Қ. Пертаева. Ғылыми-зерттеу жұмыстарына кафедра тарапынан профессор-оқытушылар құрамы, студенттер мен магистранттар тартылған. Көрсетілген тақырыптар бойынша студенттер мен магистранттар ғылыми мақалалар жазып, Республикалық, Халықаралық, алыс  шетелде  өткізілген  конференцияға   қатысу (РИНЦ- сіз) конференцияларға қатысуда. Жыл сайын жоспарланған тақырыптар бойынша, ғылыми-зерттеу жұмыстары кафедра мәжілісінде қаралып, ғылыми-зерттеу жұмыстарының   есептері мен нәтижелері (есебі, ендіру актісі, мақала) календарлық жоспар бойынша ҒЗБ бөліміне тапсырылады.       «Қазақ тілі мен әдебиеті» кафедрасы бойынша  2021 оқу жылы 12 қызметкер, 2022 оқу жылы бойынша 9 қызметкер біліктілік көтерді. Кафедра оқытушыларының 90%  ҚР ЖОО педагогикалық мамандықтар оқытушыларының біліктілігін арттыру бағдарламасы бойынша тағылымдамадан өтті.

Профессор-оқытушылар құрылымының марапаттары мен жетістіктері

Студенттер жетістіктері

6В01701 - Қазақ тілі мен әдебиеті

7М01701 - Қазақ тілі мен әдебиеті

«Қазақ тілі мен әдебиеті»білім беру бағдарламасының миссиясы – қазіргі заманғы отандық және халықаралық критерийлерге сәйкес келетін филология саласында білікті мамандар даярлау, сондай-ақ Жамбыл өңірінде ғылыми-зияткерлік және ақпараттық-мәдени орта құру болып табылады.

БББ мақсаты білім беру қызметін тұтынушылардың мүдделеріне сәйкес келеді және түлектердің кәсіби даярлығының күтілетін деңгейін қамтамасыз етуге бағытталады. Бұл үшін БББ даму жоспары мен мақсаттары барлық мүдделі тұлғаларды: жұмыс берушілерді, білім алушыларды, оқытушылар мен қызметкерлерді тарта отырып жасалады. Білім беру салалары мен еңбек нарығының сұраныстарына сай, тұтынушылардың талабы мен студенттердің жеке мүдделерін қанағаттандыратын, оқытудың жаңа технологиясына негізделген және болашақ мұғалімнің дағдылары мен пәндік-әдістемелік білімдерін қалыптастыру мақсатында «Қазақ тілі мен әдебиеті» кафедрасы білім беру үрдісіне сай  «6В01701 – Қазақ тілі мен әдебиеті»  білім беру бағдарламасы бойынша практикадан өту үшін  Жамбыл ауданы «Бірлесу – Еңбек» орта мектебі, Жамбыл ауданы Ә.Тарази атындағы тірек мектебі, Жамбыл ауданы Қалқабай Сартбаев атындағы орта мектебі, №3,12,25,32,38,41,53,54 орта  мектептері және "Тараз-Ғасыр", "Парасат" колледждерімен келісім шарттарға отырған.

6В01701–«Қазақ тілі мен әдебиеті» білім беру бағдарламасы біліктіліктің Ұлттық жүйесіне және мамандықтың кәсіби стандартына сәйкес жасалынған.

Білім беру бағдарламасын әзірлеу кезінде студенттермен, түлектермен және жұмыс берушілермен кері байланысын жүргізу арқылы жүзеге асырылады. Кері байланысты жинау, сауалнама алу, студенттердің фокус-топтарында жұмыс арқылы жүргізіледі. Білім беру бағдарламасының мазмұны бойынша алынған ақпарат талданады, кафедра отырыстарында талқыланады. Алынған нәтижелер негізінде білім беру бағдарламасының мазмұны мен іске асырылуын жақсарту бойынша іс-шаралар әзірленген.

Білім беру бағдарламасын әзірлеу студенттер мен жұмыс берушілердің пікірлерін ескеру арқылы жүзеге асырылады. Мысалы,  2021 жылғы ББ Тараз қаласының орта мектептерінің директорларымен келісілді (№25,  38, Жамбыл ауданы Ә.Тарази атындағы тірек мектебі) және Кт-19-1  тобының студенті (Ректор гранты бойынша білім алушы) Мәлік Бибинұр, сондай-ақ Тараз қаласы облыстық білім басқармасының әдістемелік кабинетінің жетекшісі – Өсерова Ш.А.

Кафедрада жүргізілетін барлық пәндер бойынша оқу-әдістемелік кешендер құрастырылған. Студенттер силлабустар мен қазіргі заман талабына сай электрондық дәрістер, презентациялар, белсенді үлестірме материал, аудио және видеоматериалдармен қамтамасыз етілген. Барлық оқу-әдістемелік материалдар мен дәрістердің электрондық нұсқалары, электрондық оқулықтар, тест жинақтары институт кітапханасында жинақталған.

«Қазақ тілі мен әдебиеті» кафедрасының ұйымдастыруымен «Ыбырай Алтынсариннің шығармашылық әлемі» халықаралық  ғылыми-тәжірибелік  конференциясы, профессор, ф.ғ.к. доцент А.Ө.Кәрібаева 63 жылдық «Дүниежүзілік жағдайындағы түркі әлемі: тіл, қоғам, әдебиет» халықаралық  ғылыми-тәжірибелік  конференциясы, А.Байтұрсынұлының 150 жылдық мерей тойына орай «А.Байтұрсынұлы мұрасының зерттелуі:дерек пен дәйек» аймақтық апталық өткізіп, кафедраға қарасты топ студенттері  белсене ат салысты. Жамбыл облысы әкімдігінің тілдерді дамыту басқармасымен бірлесе отырып  халықаралық «Ана тілі күніне» орай  «Тіл достықтың тірегі» атты студенттер арасында интеллектуалды сайысқа «Қазақ тілі мен әдебиеті» кафедрасынан қарасты Қт-21-1 тобы І орын иеленген. Әл-Фараби атындағы қазақ ұлттық университеті «Филология»  факультеті А.Байтұрсынұлы атындағы қазақ тіл білімі кафедрасы ұйымдастыруымен  ұлт ұстазы, тұңғыш тілтанушы ғалым, ақын, әдебиет зерттеушісі, түркі танушы, публицист, педагог, аудармашы, қоғам қайраткері, ғасыр ғұламасы Ахмет Байтұрсынұлының туғанына 150 жыл толуына орай ЖОО студенттері арасындағы өткен «Ұлттық мүддеге қызмет еткен кемел тұлға» тақырыбындағы халықаралық зияткерлік сайыста белсенділік танытып жүлделі ІІІ орын иеленген Қт-21-1 тобының студенттері Б.Балтабай, Б.Сапарғали, Ә.Рысбек марапатталған.  Қазақстан Журналистер Одағының мүшесі, ф.ғ.к. Әбілов Меңдібай Әбілұлының басқаруымен «Ж. Баласағұн атындағы әдеби үйірмесі» жұмыс атқарады. Мүшелегіне 25-ке тарта студенттер мен келісім-шарт жасалған мектептерден мектеп оқушылары қатысады. Ж.Баласағұн үйірмесінің белсенді мүшесі, №12 мектептің 11 сынып оқушысы, «Шерхан оқуларының» 1 дәрежелі диплом иесі Саден  Нұрсұлу («Мылтықсыз майдан» повесінен үзінді), «Шабытты шақ» жыр жинағынан Қт-19-1 топ  студенттері Мәлік Бибінұр, Қалтұрсын Фатима, Асан Қамар, Буранова Ақбілек. Turkistan, Қазақстан журналистер одағының мүшесі, Мемлекет және қоғам қайраткері, Қазақстанның халық жазушысы Шерхан Мұртазаның 90 жылдығы аясында ұйымдастырылған «Шерхан әлемі» шығармашылық байқауына қатысып II орын Қт-21-1 топ студенті Ә.Рысбек иеленген.

Студенттердің оқу үлгерімін, СҒЗЖ сапасын, кәсіби практикадан өту қорытындыларын, МАК жұмысын, түлектердің білім дәрежесін, студенттер мен ата-аналарының білім сапасына ризалығын, түлектердің жұмысқа орналасуын, практика өтетін мекемелермен ынтымақтастығын  бақылау, талдау, дамыту мақсатында  кафедра, деканат және оқу-әдістемелік бөлім жүйелі түрде мониторинг жүргізіп, талқылап, жақсарту жоспарлары бағытында жетілдіріп отырады.