Білім күні атап өтілді

Шерхан Мұртаза атындағы Халықаралық Тараз инновациялық институты Білім күніне арналған салтанатты іс-шарасын өткізді. Жиынға институт басшылығы мен профессорлары, оқытушылары, қызметкерлері мен студенттері және өзге де құрметті қонақтар қатысты. Оқу орнымыздың ректоры Махметғали Нұрғалиұлы Сарыбеков өз сөзінде барлық студенттер мен оқытушыларды білім күнімен құттықтап, қатысушыларды инситуттың қойылған мақсаттарымен таныстырып, Шерхан институтының студенттері Тәуелсіз Қазақстанның дамуына өз үлестерін қосатынына сенім білдірді.

Жалпы биыл, Шерхан институтына 2000-нан астам студент қабылданса, оның 96-сы мемлекеттік білім беру грант иегерлері атанды, 5 студент жергілікті атқарушы орган грантын иеленді, ал 16 студент «Freedom Bank» гранттарын жеңіп алды, 10 білімгер Қазақстан халқына қоғамдық қорынан бөлінген гранттарымен оқитын болса, 10 студент «Центр кредит банкінің» гранттарын, 45 студент “ХТИИ-дің 100 гранты” әлеуметтік жобасы бойынша грант иегерлері атанды. Салтанатты шарада осы студенттердің барлығына сертификаттар табысталды.

Шара барысында студенттер өз өнерлерін көрсетіп, соңы мерекелік концертке ұласты