Жайдарманның факультетаралық 1/8 финалы өтті

Шерхан Мұртаза атындағы Халықаралық Тараз инновациялық институтында Жайдарман ойындарының факультетаралық 1/8 финалы жоғары деңгейде ұйымдастырылды. Шараға оқу ордамыздың 7 командасы қатысып, ерекше әзілдерімен көрермендерді тәнті етті.

Бұл турда “Дала City” командасы ойынмен қош айтысты. Ал келесі кезеңге өткен командалар тартысты додада өз өнерлерін одан әрі шыңдай түсетіні сөзсіз.

Ойындарға әділ қазылар ретінде Жайдарманның тәжірибелі түлектері:

- Адамбаева Айназ – Республикалық Жайдарман ойындары Жастар лигасының финалисі;

- Азамат Нұрлан – Республикалық Жайдарман ойындарының Тараз қаласы бойынша филиалының директоры қатысып, әділ бағасын берді.

Барлық командалар ерекше дайындық пен тапқырлық көрсетті. Енді келесі кезеңде оларды одан да қызықты сайыстар күтіп тұр.

Келесі ойындарға қатысушыларға сәттілік тілейміз!