«Студенттер үйінде» асық атудан, шахмат, дойбы, тоғызқұмалақ сынды ұлттық ойын түрлерінен жарыс ұйымдастырды.

Халықаралық Тараз инновациялық институтының «Дене шынықтыру және спорт» кафедрасының аға оқытушылары Өмірбеков Ерік, Шилібаев Нұрболат, Джекенов Ержан  «Студенттер үйінде» асық атудан, шахмат, дойбы, тоғызқұмалақ сынды ұлттық ойын түрлерінен жарыс ұйымдастырды. Негізгі мақсат: студенттерге салауатты өмір салтын қалыптастыру мен насихаттау, жастарды ұлттық ойындарға қызықтыру арқылы патриоттық тәрбие беру, бос уақыттарын тиімді пайдалануға баулу болып табылады. Жалпы қазақ халқында бір ғана асықтың өзінен 41 түрлі ойын түрі бар екен. Жарысқа қатысушылар өте белсенді қатысып, ойын қызықты өтті. Жеңімпаз жастар алғыс хаттармен марапатталды.