ХТИИ студенттері "Жас мемлекеттік қызметшілер мектебінде"

Халықаралық Тараз инновациялық институты Қазақстан Республикасының мемлекеттік қызмет істері агенттігінің Жамбыл облысы бойынша Департаментімен бірлесіп өзара ынтымақтастық бойынша Меморандум әзірлеуде.
Осы меморандум аясында Департаментте ашылған «Жас мемлекеттік қызметшілер мектебінде» «Экономика және басқару» кафедрасының студенттері, яғни мемлекеттік қызметке тікелей қатысы бар мамандықтарда оқитын («Мемлекеттік және жергілікті басқару», Менеджмент: Адам ресурстарын басқару», «Экономика») жастар 29.11.-03.12.2021 ж. аралығында бір апталық семинардан өтуде. 5 күндік семинар барысында 40 оқу сағаты, оның ішінде 16 сағат теория, 16 сағат тәжірибе қарастырылған. Семинар барысында студенттер мемлекеттік қызмет саласы бойынша толығымен ақпараттандырылатын болады.
Істеріне сәттілік тілейміз!