ITII HACKATHON-2023
21 Ақпан 2023
754
2023 жылы 24-25 ақпанда Шерхан Мұртаза атындағы Халықаралық Тараз Инновациялық Институты Жамбыл облысы әкімдігінің цифрлық технологиялар басқармасы және «AVR Group» компаниясымен бірлесіп мектеп оқушылары, колледждер және ЖОО студенттерінің қатысуымен Бірінші өңірлік "ITII HACKATHON-2023" іс-шарасын өткізеді.
ITII HACKATHON – стейкхолдерлердің өңірдің дарынды ІТ-мамандарымен бірлесіп экономиканың нақты секторлары үшін IT шешімдерін іздеу мақсатына арналған платформа.
Бүгінгі таңда ITII HACKATHON-ға IT саласындағы мәселелерді шешуге дайын 80 команда, 350 оқушы мен студенттер тіркелді.
Ш.Мұртаза атындағы ХТИИ осы форумды біздің өңірде IT қозғалыс мәдениетін дамыту мақсатында жас және талантты IT-мамандарды дайындау үшін жыл сайын өткізуді жоспарлап отыр.
"ITII HACKATHON-2023" бас демеушілері: ЦентрКредит Банк, Chinese.kz.taraz білім беру орталығы және "AMRE" маркетингтік және жарнамалық бірлестіктер қауымдастығы. Хакатонда бас демеушілерден бекітілген 4 кейс бойынша 4 жүлделі орын жоспарлануда. Осы іс-шара жастардың шығармашылық әлеуетін дамытуға және өңірді цифрландыруға зор үлес қосатынына сенімдіміз.
