Ынтымақтастық туралы меморандумға қол қойылды

«Ұлттық аграрлық ғылыми-білім беру орталығы» коммерциялық емес акционерлік қоғамы мен Шерхан Мұртаза атындағы Халықаралық Тараз инновациялық институты арасында өзара ынтымақтастық туралы меморандум жасалды. Маңызды құжатқа «Ұлттық аграрлық ғылыми-білім беру орталығы» КеАҚ Білім және білім тарату басқармасының бас менеджері Бақыт Насырханова мен ХТИИ президенті Нұржан Муслимов қол қойды.

Меморандумның мақсаты - республиканың агроөнеркәсіп кешенін дамыту үшін ортақ тәжірибе мен мүмкіндіктерді біріктіру. Бұл құжат Тараптар арасында тығыз ынтымақтастықты қалыптастыру негізін қалайды.  

Айта кетейік, «Ұлттық аграрлық ғылыми-білім беру орталығы» КеАҚ-бұл Қазақстанның  аграрлық  саласының ғылыми-білім беру мекемелерінің  мемлекет және бизнес пен тұрақты өзара әрекеттесуінің бірыңғай операторы, ғылыми-білім беру орталығы болып есептеледі.