24.04.2021 күні Тараз қаласында қала әкімі Ерлан Жұматұлы Жылқыбаевтың қатысуымен «Жомарт түлек - Тараз» атты түлектер кездесуі өтті. Кездесу мақсаты – әр түрлі салада қызмет етіп, Тараздың дамуына үлес қосып жүрген түлектердің өмір жолын жастарға насихаттау. Кездесу барысында қаланы көркейтуге негізделген тың идеялар мен игі бастамалар аталып өтті.

Республиканың әр аймағында еңбек етіп жүрген Тараздан шыққан атақты түлектерден бастап, жеке кәсіпкерлер мен білім саласында жүрген ұстаздарға дейін қатысқан түлектер кездесуіне №30 мектеп-гимназиясының түлегі, Халықаралық Тараз инновациялық институтының «Филология» кафедрасының оқытушысы Саржаев Олжас Тілебалдыұлы да шақырылып, қала әкімі Е.Жұматұлының қолынан Алғыс хат алды. Бұл да қала басшылығы тарапынан танымал әнші, блогер түлектермен қатар, ұстаздық жолды жастарға насихаттау үшін, ұстаздық еңбекті бағалау жолында жасалған игі қадам деп білеміз.

Институымыздың білгір маманы О.Т.Саржаевты құттықтай отырып, мұндай елеулі марапаттар белсенділігін арттыра түсіп, ары қарай Тараздың дамуына елеулі қызмет етуіне мотивация болады деген сенімдеміз.

«Филология» кафедрасының профессор-оқытушылары 16.04-22.04.2021 жыл аралығында бекітілген мектептер мен Жамбыл облысына қарасты аудандарға кәсіби бағдар жұмыстарын жүргізіп қайтты.

«Филология» кафедрасының оқытушысы Саржаев Олжас Тілебалдыұлы Тараз қаласындағы №30 мектеп-гимназиясына барып, талапкерлермен сұхбаттасу жұмыстарын жүргізді. Мектеп-гимназиясында өткізілген «Түлектер жолы» жобасына қатысып, Халықаралық Тараз инновациялық институты жайында бітіруші түлектерге жан-жақты толыққанды мағлұматтар берді. Мектеп директоры Есеева Рахия Райқұлқызы және бітіруші түлектер тарапынан сұрақтар қойылып, көңілге қонымды жауаптар алынды.

Кафедра меңгерушісі Р.Беркенова және доцент М.Әбілов Жамбыл ауданы, «Бірлесу-Еңбек» орта мектебінде кәсіби бағдар жұмыстарын жүргізіп қайтты. «Бірлесу-Еңбек» орта мектебінің директордың оқу-ісі жөніндегі орынбасары К.Исмайылова бітіруші түлектермен таныстырды. Оқушылардың қай мамандықтарды таңдағаны туралы тереңірек мағлұматтар берді.

Кафедра меңгерушісі Беркенова Рабиға Ағабекқызы Халықаралық Тараз инновациялық институтының алға қойған мақсат-міндеттерімен, «Қазақ тіл мен әдебиеті» мамандығының білім беру бағдарламасымен таныстырып өтті. «Филология» кафедрасының жеткен жетістіктері мен мамандықтың барысы туралы сөз қозғады. Оқушылар тарапынан неше түрлі сұрақтар қойылып, нәтижелі жауаптар берілді.

Филология кафедрасының профессор-оқытушылары Мерке ауданындағы №1, №5, №7, №18, №20, №22, №39, №48 мектептерде және №9-кәсіби колледжінде кездесулер өткізіп, Ы.Алтынсариннің 180 жылдық меретойына орай ғылыми-әдістемелік семинар өткізіп қайтты. Семинарға мектеп мұғалімдері, бітіруші түлектер қатысты. Оқушылар Ыбырай өлеңдерінен жатқа оқып, шағын көлемді әңгімелеріне талдау жасады. Ақын шығармашылығы жайында сұрақтар қойылып, семинар қызу талқыға түсті.

Бітіруші түлектер тарапынан оқушылар институттағы «Ж.Баласағұн» атындағы әдеби бірлестікке мүше болуға құлшыныс танытты.

Кафедра доценті, ф.ғ.к. М.Әбілұлы В.Савва атындағы орта мектепте «Рухани жаңғыру және қазақ балалар әдебиеті тарихының кезеңдері» атты тақырыпта ғылыми баяндама жасады. Қазақ әдебиетінің дәуірлеу кезеңдеріне тоқталып, балалар әдебиеті жайлы сыр шерітті. Бұл семинарды «Қазақ тілі мен әдебиеті» пәнінің мұғалімдері ұйымдастырған болатын-ды.

Кафедра профессор-оқытушылары мектеп оқушыларына институтымыздың тарихынан сыр шертетін «Жастар айдыны» газеті мен мамандықтар жайында жазылған буклеттерді таратты.

Студент жастардың бойында сыбайлас жемқорлыққа қарсы сана мен мәдениетті, парасаттылық пен азаматтық ұстанымдарды қалыптастыру, Сыбайлас жемқорлық құбылыстарына төзбеушілікті және қарсы әрекет ете білуге тәрбиелеу мақсатында Халықаралық Тараз инновациялық институтында «АDAL BOL QUEST» квест ойынының соңғы шешуші кезеңі өткізілді.

Ойынға «Шығармашылық мамандықтар» факультетінен «Әділет қырандары» командасы, «Педагогика» факультетінен «Моney» командасы, «Экономика және бизнес» факультетінен «Адал ұрпақ» командасы, «Заң» факультетінен «Жемқорлыққа қалқан боламыз» командасы, «Жаратылыстану» факультетінен «Алға» командалары қатысқан болатын. Қорытынды сайыста командалар пазлдарды барынша тез құрастырып, өз ойларын айту, мақал-мәтел сайсы, астарлы сілтеме, адалдық капитандарының жарысы сынды кезеңдер бойынша сайысқа түсті.

Қазылар алқасының құрамы: Сыбайлас жемқорлыққа қарсы іс-қимыл агенттігі Жамбыл облысы бойынша департаменті төрағасының 1-ші орынбасары Төлебаев Р.Қ., Жамбыл облысы, Жас Отан жастар қанатының төрағасы Болатбек У.Б., Тәрбие және әлеуметтік жұмыстар жөніндегі проректор Құлабекова Г.Қ., Жамбыл облысы әкімдігінің жастар саясаты мәселелері басқармасының Жастар ресурстық орталығының директоры Таутен А.Қ., Имидждік жұмыстар және қоғаммен байланыс секторының жетекшісі Бекназаров Б.А.

Сонымен 3 аптаға созылып, 4 кезеңнен тұрған «АDAL BOL QUEST» квест ойыны өз мәресіне жетті. Ойын қорытындысы бойынша «Жемқорлыққа қалқан боламыз» командасы 1-орын, «Адал ұрпақ» командасы 2-орын, «Әділет қырандары» командасы 3-орын, «Моney» командасы 4-орын, «Алға» командасы 5-орынды қанжығасына байлады. Барлық командалар алғыс хат, диплом және қаржылай марапатталды.

23.04.2021ж. күні Халықаралық Тараз инновациялық институтының «Экономика және бизнес» факультетінде Елбасы Н.Ә. Назарбаевтың «Болашаққа бағдар: рухани жаңғыру» бағдарламалық мақаласының жарыққа шыққанына 4 жыл толуына орай және Қазақстан Республикасының Президенті Қ.К.Тоқаевтың «Тәуелсіздік бәрінен қымбат» атты мақаласын студенттер арасында талқылау, насихаттау мақсатында жоспарға сәйкес «Рухани жаңғыру – табысты ел болуымыздың басты кепілі» атты тақырыпта 1 курс студент жастарымен кездесу ұйымдастырылды. Кездесу барысында «Болашақа бағдар:Рухани жаңғыру» бағдарламалық мақаласы, «Ұлы даланың жеті қыры», «Тәуелсіздік бәрінен қымбат» атты мақалалардың мәні мен маңызы туралы, институтта атқарылып жатқан жұмыстар мен жоспарлар туралы «Имидждік жұмыстар және қоғаммен байланыс» секторының жетекшісі Бекназаров Б.А. кеңінен баяндап берді. Студенттер өздерін толғандырып жүрген сұрақтарын қойып, өз ойларын ортаға салып, пікірлерін білдірді.

19.04-22.04.21жыл аралығында Халықаралық Тараз инновациялық институтына “Шығармашылық мамандықтар”, “Педагогика” ,” Экономика” факультет студенттеріне “Мейірім”, “ Даримед” медициналық орталығынан арнайы мамандар келіп “ Дұрыс тамақтану-денсаулық кепілі” тақырыбында видеоролик көрсетіп,лекция оқыды.